Сертификаттар

FSSC 22000
СЕРТИФИКАТЫ

2017-жылы биз FSSC 22000 сертификация процедурасынын талаптарына ылайык, азык-түлүк коопсуздугун башкаруу системасын ишке киргизип, сертификат алдык. FSSC 22000 сертификациясы, айрыкча сүт тармагында, тамак-аш технологиясы жана өндүрүшү жаатында жогорку абройго ээ. Ал биздин продукция керектөө үчүн коопсуз экенин жана бардык эл аралык сапат стандарттарына жооп берген шарттарда өндүрүлөрүн кепилдейт.

КОМПАНИЯНЫН ПРОДУКЦИЯСЫ ХАЛЯЛ ИНДУСТРИЯСЫН ӨНҮКТҮРҮҮ БОРБОРУ ТАРАБЫНАН СЕРТИФИКАТТАЛГАН.

2019-жылы компаниянын бардык продукциясы Халял индустриясын өнүктүрүү борбору тарабынан сертификатталып, өндүрүш, кайра иштетүү, сактоо, ташуу жана сатуу процессинде халял стандарттарынын бардык талаптарына ылайык экени таанылган.

ЭЛ АРАЛЫК GOST ISO/IEC 17025 СТАНДАРТЫНА ЖАРАША ТУРУКТАШТЫРЫЛГАН ЛАБОРАТОРИЯ

Сүт Булак компаниясы — эл аралык GOST ISO/IEC 17025 стандартына жооп берген, өзүнүн аккредитациядан өткөн лабораториясы бар саналуу компаниялардын бири. Өндүрүштүн бардык этабы — сүттү кабыл алуудан жана кайра иштетүүдөн тартып, сырдын жетилишин жана сатыкка даярдоону кошкондо — заводдун лабораториясы тарабынан тыкыр көзөмөлдөнөт.

FOODEXPO QAZAQSTAN 2019дагы ЭҢ МЫКТЫ ПРОДУКТ

2019-жылдын ноябрь айында Сүт Булак компаниясы Spielhofer Swisscheese SA менен биргеликте Борбор Азиядагы эң ири эл аралык тамак-аш өнөр жайынын көргөзмөсү — FoodExpo Qazaqstan 2019 иш-чарасына катышты. Көргөзмөдө Кыргызстан менен Швейцарияда өндүрүлгөн продукциянын толук ассортименти көрсөтүлдү. Биздин сырлар атайын калыстар тобу тарабынан эң жогорку баага ээ болуп, тамак-аш жана суусундуктардын кесиптик дегустациясында «FoodExpo Qazaqstan 2019дагы Эң мыкты продукт» номинациясында биринчи орунду ээледи. Бул наамга Dairy Spring брендинин Tilsit Classic, 45% жана Wiesengold сырлары, ошондой эле Fromages Spielhofer SA компаниясынын Tête de Moine AOP, Mont Soleil жана Le Cavalier сырлары татыды.

SAPAT — 2019

2020-жылы Сүт Булак компаниясы Кыргыз Республикасынын Өкмөтүнүн 2019-жылдын 25-декабрындагы № 500-р Токтомуна ылайык, «SAPAT — 2019» сапат сертификаты менен сыйланган. Бул сыйлык компаниянын жогорку сапаттагы жана, эң негизгиси, заманбап технологиялар менен швейцариялык мыкты салттарды сактоо аркылуу өндүрүлгөн таза, табигый продукциясы үчүн ыйгарылган.

2009-ЖЫЛДЫН ЭҢ МЫКТЫ ЭКСПОРТЁРУ

2010-жылы Кыргыз Республикасынын Өкмөтү жана Экономикалык жөнгө салуу министрлиги Сүт Булак компаниясына «2009-жылдын эң мыкты экспортёру» деген наам ыйгарган.